Zapran gagoz
“Zapran Gagoz” lemapean 2018ko Euskal Eskola Publikoaren jaia ospatu zen Lekeition eta egun hau iragartzeko hainbat kanpaina jarri ziren abian. Lehen aldia izan zen Euskal Eskola Publikoaren jaia Lekeition ospatu zena eta erreferente bat bihurtu zen Ehige-rentzat. Izan ere ekintza kulturalak urte osoan zehar zabaldu ziren, gurasoen parte hartzea ere handia izan zen eta honi esker jaiaren antolakuntza bikaina izateaz gain giro ederra sortu zuen herrian.
Ikus-entzunezkoen estalduraz arduratu ginen Traolatik eta jaia promozionatzeko bideoklipa eta hainbat bideo ekoiztu genituen.
